Gujarat News9
Other અખબારી યાદી અરવલ્લી ક્રાઇમ ગુજરાત

અરવલ્લી માં બે નાયબ મામલતદારને પોલીસે પીધેલી હાલતમાં ઝડપાયા

ગાંધીના ગુજરાતમાં દારૂબંધીના ધજાગરા ઉડાડતો એક કિસ્સો અરવલ્લી જીલ્લામાં પોલીસ ચોપડે નોંધાતા જિલ્લામાં ચોરે ને ચૌટે ચર્ચાનું કેન્દ્ર બની ગયો છે અરવલ્લી જિલ્લામાં ૩૧મી ડિસેમ્બર ના રોજ દારૂની મહેફિલ માણતા બે નાયબ મામલતદારો પૈકી એક બાયડ મામલતદાર કચેરીના ઈ-ધરા નાયબ મામલતદાર અને બીજો મોડાસા પ્રાંત કચેરી નો નાયબ મામલતદાર માલપુર તાલુકાના અણિયોર ગામમાં દારૂની મહેફિલ માણતા ડીવાયએસપી ભરત બસિયાના દરોડામાં રંગેહાથ ઝડપાઈ જતાં જીલ્લામાં ચકચાર મચી જવા પામી છે વધુ પ્રાપ્ત વિગતો મુજબ 31, ડીસેમ્બર હોવાના કારણે અરવલ્લી પોલીસ દ્વારા ઠેર-ઠેર નાકાબંધી કરી સઘન ચેકિંગ હાથ ધરવામાં આવ્યું હતું.
નાયબ પોલીસ અધિક્ષક મોડાસા ભરત બસિયા તેમની ટીમ સાથે પેટ્રોલિંગમાં હતા ત્યારે તેઓને મળેલી ખાનગી માહિતી પ્રમાણે તેઓએ માલપુર તાલુકાના અણિયોર ગામમાં દારૂની મહેફિલ ચાલુ હોવાની બાતમી આધારે દરોડો કરતા ખુદ કાયદાના રક્ષક એવા બે નાયબ મામલતદાર દારૂનું સેવન કરતા રંગે હાથ ઝડપાઈ ગયા હતા ઝડપાયેલા નાયબ મામલતદારોમાં મોડાસા પ્રાંત કચેરીના નાયબ મામલતદાર જૈમીન બાબુલાલ પટેલ અને બાયડ મામલતદાર કચેરીના ઇ -ધરા નાયબ મામલતદાર નિલેશભાઇ અરવિંદભાઈ પટેલ નશીલી હાલતમાં ઝડપાઈ જતા બંને નશાખોરોની પોલીસે ધરપકડ કરી માલપુર પોલીસ મથકે પાર્ટ સી પ્રોહી એક્ટ કલમ ૬૬(૧),બી, ૮૧ મુજબ ગુનો દાખલ કરી વધુ તપાસ હાથ ધરી છે.

રિપોર્ટ:- ભૂપેન્દ્રસિંહ ઝાલા, અરવલ્લી

ગ્રુપ મા જોડવવા માટે નીચે આપેલ લિંક ક્લિક કરો

Related posts

લે બોલ : હળવદના માલણીયાદ ગામે ચોરે તરુણીનો ચોટલો કાપી નાખ્યો

Gujrat News9

કેવી રીતે લેશું પગલાં તકેદારીના કેવા પગલા વાવાઝોડા પહેલાં, વાવાઝોડા દરમિયાન અને વાવાઝોડા બાદ

Gujrat News9

સાવરકુંડલા નગરપાલિકા ના પૂર્વપ્રમુખ દ્વારા જેસર રોડ ખાતે રસ્તા પર ના ખાડા ઓ તથા રેલવે અન્ડર બ્રીજ જાતે રીપેર કર્યા.- રાહદારી અને વાહન ચાલકો માં ખુશી.

Gujrat News9

Leave a Comment